Antarktidada tushunarsiz hodisa kuzatildi

Olimlar o‘tgan yili Antarktida yarim orolining sohillarida Larsen muzligidan ajralib chiqqan A-68 ulkan aysbergining o‘zgaruvchan harakatini qayd etishdi. Hajmi Yamayka orolini yarmiga teng muz bo‘lagi iyul-avgustda soat miliga qarshi 90 darajaga o‘girilib qoldi, deb xabar bermoqda Gizmodo nashri.

Tadqiqotchilar bunday nisbatan tez aylanishga nima sabab bo‘lganini hozircha tushuntirib bera olmayaptilar.

2017 yil iyul oyida tashkil topgan A-68 maydoni 5,8 ming kvadrat kilometrni tashkil etadi, og‘irligi esa - taxminan bir trillion tonna. U Larsen S muzligidan ajralib chiqqach, aysberg dengiz tubiga tegib ketgan va kam harakatda bo‘lgan. Biroq, joriy yilning iyul oyida (Janubiy yarim sharda bu vaqtda qish bo‘ladi) sun'iy yo‘ldosh ma'lumotlari muz massasining harakati kuchayganini qayd etdi. So‘nggi ikki hafta davomida aysberg 10 darajaga burildi, bundan ikki hafta oldin esa - 30 darajaga.

Mutaxassislarning so‘zlariga ko‘ra, bunday o‘zgarish sababini bu yerdagi dengiz qa'ri relefi haqida ma'lumotlar yo‘qligi tufayli aniqlash mushkul. Tadqiqotlarni amalga oshirish mushkul, chunki mintaqada okean yuzasi kemalar o‘tishiga xalaqit beruvchi muz bilan qoplanadi. Olimlarning fikricha, A-68 asta-sekin erishi tufayli yoki aysberg kuchli dengiz oqimiga tushib qolgani sababli suv tubi bilan aloqani yo‘qotgan.