Amerikalik yo‘riqchilar «Forish» poligonida o‘zbekistonlik harbiylar uchun trening o‘tkazishdi
AQSh Markaziy qo‘mondonligi yo‘riqchilari Jizzax viloyatidagi «Forish» harbiy poligonida O‘zbekiston harbiy xizmatchilari bilan tog‘li hududlarda jangovar harakatlar olib borish bo‘yicha tajriba almashdilar.
Trening avgust oyi oxirida boshlanib, AQSh quruqlikdagi qo‘shinlarining olti nafar yo‘riqchisi va O‘zbekistonning 14 nafar harbiy xizmatchisi ishtirokida besh kun davom etdi. Ular tog‘li hududlarda operatsiyalarni o‘tkazish tajribasi bilan o‘rtoqlashdilar, shuningdek, alpinistlar tayyorgarligining turli usullarini ishlab chiqishdi.
Tajriba almashishning aksariyati amaliy xarakterga ega bo‘lib, poligonning tog‘li hududida o‘tkazildi. Mavzular ko‘tarilish va tushishning turli usullari, yordamchi mexanik qurilmalardan foydalanish, kirib borish murakkab joylardan jabrlanuvchilarni xavfsiz evakuatsiya qilish usullarini o‘z ichiga oldi.
Ham amerikalik, ham o‘zbekistonlik ishtirokchilar almashinuv juda foydali bo‘lgani, kelajakda bunday tadbirlarni o‘tkazishdan juda manfaatdor bo‘lishlarini bildirdilar.
Mavzuga oid
12:10
AQShda «Helen» to‘foni oqibatida 60 dan ortiq kishi halok bo‘ldi
22:37 / 28.09.2024
AQShda «Helen» to‘foni oqibatida 50 dan ortiq kishi halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024