Nadal «Real» prezidentiga aylanishi mumkin

«Real» prezidenti Florentino Peresning hisoblashicha, ispaniyalik tennischi, Madrid klubi muxlisi Rafael Nadal kelgusida klub rahbarligi lavozimini egallashi mumkin.

El Confidencial nashri ma'lumotiga ko‘ra, «qaymoqranglilar» rahbari Nadalni nafaqat klubning eng yaxshi elchisi sifatida, balki o‘zining klubdagi vorisi sifatida ham ko‘radi.

Qayd etilishicha, tennischi «Real» prezidentligini faqat 2031 yilda, 45 yoshga chiqqanida egallashi mumkin. Klub prezidenti bo‘lishni istagan shaxs madridliklar klubida 20 yil ishlashi kerak. Nadal 2011 yilda Madrid klubining faxriy elchisiga aylangandi.

Ayni vaqtda 71 yoshda bo‘lgan Peres «Real»ga birinchi marta 2000 yildan 2006 yilgacha rahbarlik qilgan, 2009 yilda yana shu lavozimga qaytgan.