Poroshenko BMTda rossiyalik jurnalistlar yonidan “yolg‘on xabarlar” deb o‘tib ketdi

Ukraina prezidenti Pyotr Poroshenko BMT binosida rossiyalik jurnalistlarning Donbassda tinchlikparvar kuchlari joylashtirilishi haqidagi savoliga “yolg‘on xabarlar” deb o‘tib ketgan.  

“Rossiya-24” telekanali jurnalistlari BMT kuluarlarida videomaterial tayyorlashayotganda ular yonidan Ukraina prezidenti o‘tib qolgan. Shunda telekanal muxbiri Poroshenkodan uning Donbassda tinchlikparvar kuchlar joylashtirilishi bo‘yicha tashabbusi haqida so‘ragan. Shu payt Poroshenkoni boshqa jurnalistlar ham qurshab olgan.

Poroshenko yo‘lida davom etib, kameraga oxirgi vaqtda AQSh prezidenti Donald Trampning eng ko‘p ishlatuvchi iboralaridan biri – “feyk-nyus”, ya'ni “yolg‘on xabarlar” deb aytib, muzokaralar xonasiga kirib ketgan.

Avvalroq BMTning Nyu-Yorkdagi bosh qarorgohida o‘tayotgan Bosh assambleyaning 73-sessiyasi davomida Poroshenko Yevropa davlatlari yetakchilari bilan Donbassga BMT tinchlikparvar kuchlarini jo‘natish imkoniyatini muhokama qilgan.