Toshkent markaziy vokzalida sayyohlik agentliklari uchun maxsus chiptaxona ishga tushdi

Sentyabr oyidan boshlab "O‘ztemiryo‘lyo‘lovchi" AJ tomonidan turizm sohasini rivojlantirish maqsadida Toshkent markaziy vokzalida Sayyohlik agentliklari uchun pul o‘tkazmalari orqali chipta xarid qilishga xizmat qiluvchi maxsus chiptaxona tashkil etildi. "O‘ztemiryo‘lyo‘lovchi" matbuot xizmati shu haqida xabar berdi. 

Maxsus chiptaxona turistik agentliklariga hujjatlarni rasmiylashtirish, chiptalarni xarid qilishda qo‘shimcha qulayliklar yaratadi. Mazkur kassada:
-  har bir sayyohlik agentliklari bilan shartnomalarni chiptaxonaning o‘zida tuzish;
-  hujjatlarni rasmiylashtirish, pul o‘tkazmalarini hisob-kitob qilish;.
-  turistik agentliklar tomonidan buyurtmalarni o‘z vaqtida ko‘rib chiqish hamda ularni nazorat qilish;
 - guruhli buyurtmalarga chiptalarni soddalashtirilgan holda rasmiylashtirish jarayonlari amalga oshiriladi.

Buning uchun maxsus xodimlar ajratilgan bo‘lib, ular yuqori darajada servis xizmati ko‘rsatish ishlarini  olib borishadi.

Ish vaqti har kuni  12 soatni (08:00 dan 20:00 gacha) tashkil etadi. Uzluksiz ravishda xizmat ko‘rsatiladi.