Islom Karimov o‘z onasi haqida (video)

Islom Karimovning onasi Sanobar Karimova (1902-1982) sakkiz nafar farzandni dunyoga keltirib, o‘z hayotini ularning tarbiyasiga bag‘ishlagan, deyiladi Karimov fondining Facebook’dagi sahifasida.

«Yurtimizning birinchi Prezidenti hamisha onalarini katta mehr bilan yodga olardilar. 
Ayniqsa, oyilarining ovqat pishirishlari, xamir qorib, yoyishlari ko‘zlari oldidan tez-tez o‘tishini ko‘p takrorlar edilar.

Islom Abdug‘aniyevich bolalik chog‘lari oyilari bozorga borganlarida yoki qarindoshlari holidan xabar olganlarida hamisha ularga hamrohlik qilishlarini aytib o‘tganlar. 

U kishi o‘z onalari nihoyatda dono va zakovatli ayol bo‘lganlarini so‘zlab berardilar. 
O‘g‘illari Toshkentdan Samarqandga ulardan xabar olgani kelganlarida, Sanobar aya yurtimiz va dunyoda sodir bo‘layotgan hodisalardan hamisha qiziqib so‘rar ekanlar», - deyiladi Karimov fondining Facebook’dagi sahifasida.

Eslatib o‘tamiz, avvalroq Islom Karimov qayerda dam olishni xush ko‘rgani aytilgandi.