NATO bosh kotibi Makedoniyadagi siyosiy rahbarlar va partiyalarga chaqiriq bilan chiqdi

NATO bosh kotibi Yyens Stoltenberg Makedoniyaning nomini o‘zgartirish bo‘yicha referendum natijalariga baho berdi, deya xabar qilmoqda RIA Novosti.

Makedoniya nomini o‘zgartirish bo‘yicha referendumda mamlakat fuqarolarining 90%dan ortig‘i ushbu qarorni qo‘llab-quvvatladi, ammo saylovda ishtirok etish darajasi taxminan 35%ni tashkil etdi - mamlakat qonunlariga ko‘ra, bunday ko‘rsatkich natijalari rasman ravishda tan olish uchun yetarli emas.

Stoltenbergning ta'kidlashicha, Makedoniya uchun «NATO eshiklari ochiq», ammo milliy jarayonlarni oxiriga yetkazib qo‘yish kerak.

«Men referendumda «ha» deb ovoz berilganini ma'qullayman. Barcha siyosiy rahbarlar va partiyalarni ushbu tarixiy imkoniyatdan foydalanish uchun konstruktiv hamda mas'uliyatli harakat qilishga chaqiraman», - deya qayd etib o‘tdi u.

Eslatib o‘tamiz, avvalroq kichik Jorj Bush Makedoniya fuqarolariga chaqiriq bilan chiqqandi.