Xitoy o‘zbek olimini taqdirladi 

Shinjon fizika-texnika Instituti taklifiga binoan Shomansur Sa'dullayev «Do‘stlik» mukofoti bilan taqdirlandi. Bu haqda O‘zbekiston Fanlar akademiyasi matbuot xizmati xabar bermoqda.

«Xitoy Xalq Respublikasi Fanlar akademiyasining Shinjon fizika-texnika Instituti taklifiga binoan Toshkent shahrida Xitoyning xalq tabobati markazini tashkil etishga yordam berish, ikki mamlakat Fanlar akademiyalari o‘rtasida ilmiy-texnikaviy hamkorlikni mustahkamlash, yangi dori-darmonlarni ishlab chiqarish bo‘yicha qo‘shma loyihalarni amalga oshirishdagi hamkorlik, Xitoy Xalq Respublikasining ijtimoiy-iqtisodiy rivojlanishiga qo‘shgan hissasi uchun Shomansur Sa'dullayev «Do‘stlik» mukofoti bilan taqdirlandi», - deyiladi xabarda. 

Shomansur Sa'dullayev O‘zbekiston Respublikasi Fanlar akademiyasi O‘simlik moddalari kimyosi instituti direktori hisoblanadi.