Mamayev qamoqqa olindi, Kokorin ertaga so‘roq qilinadi

«Krasnodar» yarimhimoyachisi Pavel Mamayev Moskva politsiyasida so‘roq qilindi va 48 soatga hibsga olindi, deb xabar beradi Mash. 

«Zenit» hujumchisi Aleksandr Kokorin esa qidiruvga berilmadi. U uzrli sababga ko‘ra, so‘roqqa kechikib keldi va ertaga tergov qilinadigan bo‘ldi.

Eslatib o‘tamiz, 8 oktabr kuni har ikkala futbolchi Moskvadagi qahvaxonalardan birida Minpromtorg mulozimi Denis Pak va «NAMI» tashkiloti rahbari Sergey Gaysinni do‘pposlashgan edi. Bu mojarodan biroz oldin esa «Perviy kanal» boshlovchisi Olga Ushakovaning haydovchisiga hujum qilishgan. Jabrlanganlar turli tan jarohati olib, shifoxonaga yotqizilgan. Bu ish yuzasidan Moskva politsiyasi jinoyat ishi ochgan edi. Har ikkala futbolchiga 7 yillik qamoq jazosi tahdid solmoqda.