Argentinada sobiq vazir o‘nlab odamlarning o‘limiga olib kelgan halokat uchun sudlandi 

Argentinaning sobiq federal rejalashtirish vaziri Xulio De Vido o‘nlab odamlarning halok bo‘lishiga olib kelgan poyezdning halokatga uchrashi uchun 5 yil 8 oylik qamoq jazosi oldi.

Fojia 2012 yil fevralda yo‘lovchi poyezdi Buenos-Ayres markazidagi stansiyalardan birining perroniga yaqinlashish vaqtida to‘xtay olmay, oraliq tayanchga borib urilishi oqibatida yuz bergan. Oqibatda poyezd lokomotivi va uchta birinchi vagon bir-biriga urilib, ustma-ust chiqib ketgan. 9 ta vagondan iborat tarkibda mingga yaqin yo‘lovchi bo‘lgan. Halokat oqibatida 51 kishi hayotdan ko‘z yumgan, 600 dan ko‘proq odam jarohatlangan.

Ma'lum qilinishicha, sud sobiq vazirni bu fojia uchun javobgar deb topgan. U qamoq jazosidan tashqari, davlat lavozimlarini egallash huquqidan umrbod mahrum etilgan.