Hindiston S-400 xaridi uchun AQSh qanday choralar ko‘rishini bilib oladi – Tramp  

AQSh prezidenti Donald Tramp Hindiston Rossiyadan S-400 majmualarini sotib olayotgani qanday oqibatlarga olib kelishini yaqin orada bilib olishini aytdi. Tramp bu haqda Oq uyda OAV vakillari bilan muloqot vaqtida aytib o‘tgan.

S-400 “Triumf” majmualarini yetkazib berishga shartnoma 5 oktabrda Vladimir Putinning Hindistonga tashrifi vaqtida imzolangan. 5 mlrd dollardan kattaroq qiymatga ega shartnoma bo‘yicha Hindiston tizimning 5 ta polkini olishi ko‘zda tutilgan.  

AQSh milliy xavfsizlik kengashi rasmiy vakili TASS axborot agentligi muxbirining bitim haqidagi ma'lumotga izoh berish haqidagi iltimosiga, AQSh o‘z ittifoqdoshlari va hamkorlarini sanksiyalar solinishi mumkinligidan ogohlantirganini aytgan.