Muqaddam sudlangan shaxsning qo‘li qonga botdi

Joriy yilning 21 oktabr kuni Toshkent viloyatining Yangiyo‘l shahrida yashovchi muqaddam sudlangan A.J. mast holda Mezon mahallasida o‘zaro janjal sabab J.B.ga hamda uning jiyani N.B.ga pichoq bilan jarohat yetkazgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada J.B. va uning jiyani tan jarohati bilan kasalxonaga yotqizilgan. A.J. qo‘lga olingan. 

Holat yuzasidan jinoyat ishi qo‘zg‘atilib, tergov harakatlari olib borilmoqda.