Qo‘qonda tadbirkorning uyidan 40 mln so‘m pul va 50 mln so‘mlik zargarlik buyumlarini o‘g‘irlab ketishdi

Shu yil 14 oktabr kuni noma'lum shaxs Farg‘ona viloyatining Qo‘qon shahrida yashovchi, xususiy tadbirkor D.M. (ismli ayol)ning uyiga kirib, xonasidan 40 mln. so‘m puli va umumiy qiymati 50 mln. 600 ming so‘mlik turli xildagi zargarlik buyumlarini o‘g‘irlab ketgan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Qo‘qon shahrida yashovchi O.R., M.A., M.M. va D.J. sodir etganliklari aniqlanib ushlanganlar. 

Tergov davom etmoqda.