Bank tizimi, moliya hamda soliq idoralarining ayrim xodimlari 3 va 4 noyabr kunlari ishga jalb qilinadi

O‘zbekistonda bank tizimi, moliya hamda soliq idoralarining ayrim xodimlari 3 va 4 noyabr - shanba va yakshanba kuni qonunchilikda belgilangan tartibda ishga jalb qilinadi. Bu haqdagi tegishli farmoyishni mamlakat bosh vaziri Abdulla Aripov imzoladi.

Qayd etilishicha, 2018 yilning oktabr va noyabr oylari prognoz ko‘rsatkichlari bajarilishini ta'minlash, O‘zbekiston Respublikasi davlat byudjyeti va davlat maqsadli jamg‘armalariga to‘lovlar bo‘yicha hisob-kitoblarni muvaffaqiyatli amalga oshirish maqsadida bank tizimi, moliya hamda soliq idoralarining ayrim xodimlarini 2018 yil 3 va 4 noyabr - shanba va yakshanba kuni qonunchilikda belgilangan tartibda ishga jalb qilishga ruxsat berildi.

Bosh vazir Abdulla Aripov bu haqdagi tegishli farmoyishni 2018 yil 26 oktabr kuni imzoladi.