Braziliyadagi prezident saylovlari natijalari e'lon qilindi 

Braziliyada o‘tgan prezident saylovlarining 2-turi natijalariga ko‘ra Jair Bolsonaru g‘olib bo‘ldi. Bu haqda Globo kanali xabar berdi. 

99,99 foiz saylov byulleteni qayta ishlangandan so‘ng, Sotsial-liberal partiya nomzodi Bolsonaru 55,13 foiz, Mehnatkashlar partiyasidan Fernandu Addad 44,87 foiz ovoz to‘plagani ma'lum bo‘lgan.

Yangi prezident 2019 yil 1 yanvardan lavozimini bajarishga kirishadi.

Bolsonaru prezident kampaniyasi davomida bergan barcha va'dalarini bajarishini aytgan.

“Barcha berilgan va'dalar bajariladi. Men barchaga qo‘llab-quvvatlov, ovozlar va ishonch uchun minnatdorlik bildiraman. Biz qayerga borishni istayotganimizni va Braziliya qayerga bormoqchiligini bilamiz. Men juda xursandman va bizning vazifa – mamlakat taqdirini yaxshi tomonga o‘zgartirishdan iboratligini anglayman”, deb aytgan Bolsonaru.

Braziliyaning amaldagi prezidenti Mishel Temer 29 oktabrdan Bolsonaruga hokimiyatni topshirishni boshlashini aytgan.