Namanganda xalq ta'limi xodimlarining paxta terimiga jalb etish holati oldi olindi

Foto: KUN.UZ
Namangan viloyatining Uychi tumanida xalq ta'limi xodimlarining paxta terimiga jalb etish holati oldi olindi, deb xabar qilmoqda Xalq ta'limi vazirligi axborot xizmati.
Qayd etilishicha, Uychi tumani hokimi xalq ta'limi bo‘limi mudiridan Toshkent viloyatiga bir nafardan maktablarning mavsumiy ishchilarini paxta terimiga yuborishni talab qilgan.
Shunda hokim tumanning barcha maktab direktorlarini to‘plab berishni va ular bilan suhbatlashishini aytgan. Maktab direktorlari bilan uchrashuv davomida tuman hokimi paxta terimiga bir nafardan xodim ta'minlab berish yuzasidan topshiriq bergan.
Uychi tumani xalq ta'limi bo‘limi mudiri Sh.Murodov maktab rahbarlariga hokim topshirig‘ini bajarmaslik yuzasidan topshiriq berib, xalq ta'limi xodimlarini paxta terimi jarayoniga jalb etish holatini oldini olgan.
Eslatib o‘tamiz, O‘zbekiston Respublikasi prezidenti Shavkat Mirziyoyev raisligida 17 iyul kuni o‘tkazilgan umumiy o‘rta ta'lim tizimini isloh qilish va rivojlantirish masalalariga bag‘ishlangan yig‘ilishda o‘qituvchilarning turli nazorat organlari tomonidan tekshiruvini cheklash, obodonlashtirish ishlariga o‘qituvchilarni jalb qilish, turli yig‘ilishlarda ishtirok etish, obuna kampaniyasi va o‘zlarining vakolatlari doirasida bo‘lmagan boshqa ishlarga jalb qilishni taqiqlash zarurligi ta'kidlangan.
Mavzuga oid

14:57 / 08.05.2025
Toshkentda mingdan ortiq odamni chuv tushirgan shaxs ushlandi

17:00 / 03.05.2025
Norin daryosidagi orolchada qolib ketgan quruvchilar qutqarildi

10:14 / 02.05.2025
Namanganda O‘zbekiston-Qatar kasbiy mahorat markazi ochiladi

17:04 / 01.05.2025