Argentinada ilgari fanga noma'lum bo‘lgan dinozavr qoldiqlari topildi

Ispaniya va argentinalik olimlar Argentinaning Neuken provinsiyasida ilgari fanga ma'lum bo‘lmagan dinozavr qoldiqlarini topishdi.

Ispaniyaning Saragosa universiteti Xose Ignasio Kanudo va boshqalar Acta Palaeontologica Polonica jurnalida bu haqda maqola e'lon qilishdi.

Maqolada yozilishicha, bundan 110 million yil avval yashagan dinozavrga Lavocatisaurus agrioensis deb nom qo‘yishgan, u o‘txo‘r dinozavrlar turiga mansub.

Maqolaga ko‘ra, uning uzunligi 12 metrga yaqin bo‘lgan, yana ikkita dinozavr qoldiqlaridan esa ularning uzunligi olti-yetti metr bo‘lganligi aniqlangan.