Norvegiya yaqinida fregat va tanker to‘qnashib ketdi
Norvegiya sohillari yaqinida neft tankeri va NATO mashg‘ulotlarida ishtirok etgan fregat to‘qnashib ketdi. Oqibatda 7 kishiga jarohat yetgan. Bu haqda Norvegiya qutqaruv xizmati vakili Ule Yakob Xartvigsen ma'lum qildi.
“7 kishi jabrlangan. Voqea hududiga o‘t o‘chiruvchilar, qutqaruv qayiqlari va g‘avvoslar jo‘natilgan. Evakuatsiya boshlangan”, deb ma'lum qilgan Xartvigsen.
Ma'lum bo‘lishicha, Sola TS tankeri va Helge Ingstad fregati tanker Sture terminalidan chiqayotganda to‘qnashib ketgan. To‘qnashuv yuz bergan vaqtda fregatda 137 kishi, tankerda 25 kishi bo‘lgan.
Keyinroq ma'lum qilinishicha, ikki kemadan ham odamlar evakuatsiya qilinishga ulgurilgan. Favqulodda xizmatlar fregat suv ostiga ketishi mumkinligidan xavotirlanishmoqda, chunki unda hosil bo‘lgan yoriq orqali kema ichiga tortib olinayotgandan ko‘proq suv kirmoqda.
Mavzuga oid
20:47 / 21.09.2024
Norvegiyadan Ispaniyaga uchgan samolyot sichqon sabab avariyaviy qo‘nishni amalga oshirdi
21:51 / 18.09.2024
Norvegiya elektromobillar soni benzinli avtomobillardan oshib ketgan birinchi davlatga aylandi
23:03 / 14.09.2024
Norvegiya valiahd malikasining o‘g‘li hibsga olindi
02:07 / 12.09.2024