AQSh joriy yilda 192 milliard dollarlik qurol sotdi 

AQSh 2018 yilda qurol savdosi hajmini 13 foizga oshirdi, bundan olingan tushum esa 192 mlrd dollardan oshdi. Bu haqda AQSh davlat departamenti ma'lumotlariga iqtibos keltirgan holda TASS axborot agentligi xabar berdi. 

Ma'lumotlarga ko‘ra, 2018 moliya yilida AQShning xorijiy davlatlarga qurol sotishi hajmi 33 foizga o‘sib, 55,66 mlrd dollarni tashkil qilgan. Xususiy shartnomalar qiymati esa 136,6 mlrd dollarga yetgan.  

Oq uy ma'muriyati vakilining aytishicha, savdo hajmi AQSh prezidenti Donald Trampning “Buy American” (“Amerikada ishlab chiqarilganni sotib ol”) dasturi evaziga o‘sgan. Bu dastur xorijga qurol sotishga qo‘yilgan bir qator cheklovlarni bekor qilgan.

AQSh dunyoda eng yirik qurol eksportchisi bo‘lib qolmoqda. Yetakchi beshtalikka Rossiya, Xitoy, Fransiya va Germaniya kiradi.