AQSh “Hizbulloh” yetakchisining o‘g‘liga qarshi sanksiyalar kiritdi

AQSh hukumati 13 noyabrda “Hizbulloh” yetakchisining o‘g‘li Javod Nasrullohni “teraktlar tayyorlaganlik va amalga oshirganlik” uchun sanksiyalar ro‘yxatiga kiritdi. Bu haqda AQSh davlat departamentida ma'lum qilingan.

“Javod Nasrulloh “Hizbulloh” yetakchisining o‘g‘li va harakatning yuqorilab borayotgan yetakchisi hisoblanadi. Avvalroq Nasrulloh Isroilga qarshi teraktlar amalga oshirish uchun odamlar to‘plash bilan shug‘ullangan”, deb aytilgan xabarda. 

AQSh moliya vazirligi terrorchilik bo‘yicha sanksiyalar ro‘yxatiga, shuningdek, G‘azo sektoridagi “Mujohidlar brigadasi” guruhi va yana 4 kishini kiritgan.