Poroshenko Rossiyani Ukrainada bo‘lib o‘tadigan saylovlarga ta'sir ko‘rsatishga urinishda aybladi

Ukraina prezidenti Petr Poroshenko Rossiyaning kelasi yili Ukrainada bo‘lib o‘tadigan prezidentlik va parlament saylovlariga ta'sir ko‘rsatishga urinishda aybladi.

"Kelgusi yili Ukrainada muhim saylovlar – prezidentlik va parlament saylovlari bo‘lib o‘tadi. Rossiya bu saylovlarga ta'sir ko‘rsatishiga imkon bermaslik juda muhim. Biz hozirdanoq ko‘plab urinishlarni ko‘rmoqdamiz. Umumiy sa'y-harakatlarimiz bu tahdidga qarshi tura olishimizga umid bermoqda", dedi Ukraina prezidenti.

Uning so‘zlariga ko‘ra, gap targ‘ibot, kiberhujumlar va soxta xabarlarga qarshi turish haqida bormoqda.

Ukrainada kelgusi yil martida prezidentlik, kuzda parlament saylovlari bo‘lib o‘tadi.