Ronaldu A Seriyada darvoza tomon 100 marta zarba yo‘lladi, bu – kuchli beshlikda eng yaxshi natija

«Yuventus» A Seriya 15-turining ilk o‘yinida «Inter»ni mag‘lub etdi (1:0). O‘yindagi yagona gol Mario Manjukich tomonidan urildi. 

O‘yinda mezbonlar hujumchisi Krishtianu Ronaldu darvoza tomon 4 marotaba zarba yo‘llagan bo‘lib, ulardan ikkitasini himoyachilar to‘sib qoldi, bittasi noaniq chiqdi va yana bir zarba darvoza sohasiga aniq yetib bordi. Bu o‘yindan keyin u kuchli beshlik chempionatlarining ushbu mavsumida 100ta zarba yo‘llagan ilk futbolchiga aylandi.

Eslatib o‘tamiz, A Seriyadagi debyutida 10ta gol urgan Ronaldu «Jyenoa» hujumchisi Kshishtof Pyatek bilan birgalikda A Seriya to‘purarlari ro‘yxatini boshqarib turibdi. Portugaliyalik yulduzning hisobida 5ta assist ham bor.