Qoʻshimcha funksionallar
-
Tungi ko‘rinish
Andijonda o‘tkazilgan ko‘pkariga 60 mingdan ziyod odam keldi
Shu kuni vodiyda qadim ajdodlarimizdan meros uloq-ko‘pkariga qiziqish katta ekaniga guvoh bo‘ldik. Milliy qadriyatlarimiz bo‘lgan o‘yinga kelgan tomoshabinlar sonini aniq aytib berishning iloji yo‘q edi. 60 ming ham taxminiy son.
Ulug‘nor tumani Andijon viloyatining cho‘l tumani. Kengliklar, katta maydonlarga boy. Tumanning Oq oltin qishlog‘ida viloyat qishloq xo‘jaligi xodimlari o‘z kasb bayramlarini nishonlashdi. «Hosil bayrami» uchun 18 gektar maydon hozirlandi.
Barcha tumanlardan ko‘plab mehmonlar tashrif buyurdi. Har bir tuman o‘zida yetishtirilgan qishloq xo‘jaligi mahsulotlari yarmarkasini tashkil qildi.
Bayramning asosiy tomoshasi esa – uloq-ko‘pkari bo‘ldi. Ulug‘norga yurtimizning turli chekkalaridan, qo‘shni Qirg‘iziston, Tojikiston, Qozog‘iston va Turkmanistondan ham chavandozlar kelishdi.
Viloyat hokimi Shuhratbek Abdurahmonov barchani qizg‘in qutlab, bayram bilan samimiy tabrikladi. Davraga birinchi bo‘lib, ot solib musobaqani boshlab berdi.
600 nafarga yaqin polvonlar ishtirok etgan ko‘pkari g‘oliblariga turli sovrinlar qo‘yilgandi. Xususan, bosh sovringa – «Kobalt» avtomobili, ikkinchi mukofot sifatida esa – «Spark» avtomobili qo‘yildi.
Andijon tumanidan bo‘lgan Sulaymon polvon Mamasoliyev barchadan chaqqon chiqdi. Unga viloyat hokimi Shuhrat Abdurahmonov tomonidan qo‘yilgan bosh sovrin - «Kobalt» avtomashinasi topshirildi. «Spark»ni esa Qirg‘izistonning Jalolobod viloyati, Suzoq tumanidan kelgan Abduxalil polvon Sariqov o‘ziniki qildi.
Elmurod Ermatov, Andijon
KUN.UZ muxbiri
Mavzuga oid
15:42
Andijon shahar bandlik bo‘limi boshlig‘i o‘z xonasida psixotrop modda iste’mol qilgani ma’lum bo‘ldi
18:19 / 07.04.2025
“Har biriga ming dollar” – Andijonda pul evaziga fuqarolarni Rossiya-Ukraina urushiga yollashga uringan taksichi qamaldi
14:22 / 02.04.2025
Andijonda Cobalt piyodalar o‘tish joyidan yo‘lni kesib o‘tayotgan 16 yoshli bolani urib yubordi
08:40 / 01.04.2025