GRU sobiq boshlig‘ining o‘limi haqida yangi ma'lumot tarqaldi. U Livanda vafot etgan
AQSh prezidentining sobiq maslahatchisi Maykl Flinn FQBdagi so‘roq davomida ko‘rsatmalar berdi. Ularga ko‘ra, Rossiya GRUsi boshlig‘i Igor Sergun, avval xabar qilinganidek, Moskva oblastidagi dam olish uyida emas, balki Livanda hayotdan ko‘z yumgan. So‘roq matni AQSh Adliya vazirligi tomonidan e'lon qilindi.
«Flinn o‘tgan yil boshida Sergun Livanda vafot etganidan so‘ng, Rossiyaning AQShdagi elchisi Sergey Kislyakka qo‘ng‘iroq qilib, ta'ziya izhor qilganini aytgan», - deyiladi hujjat matnida.
Hujjatda boshqa hech qanday tafsilotlar keltirilmagan.
2016 yilning yanvarida Rossiya prezidenti matbuot kotibi Dmitriy Peskov Sergun Livanda vafot etgani haqidagi ma'lumotni tasdiqlamagandi.
Ma'lumot uchun: Igor Dmitriyevich Sergun 1957 yilning 28 mart kuni Podolskda tug‘ilgan. 2011 yilning 26 dekabridan 2016 yilning 3 yanvariga qadar GRU boshlig‘i bo‘lgan, general-polkovnik (2015).
Eslatib o‘tamiz, avvalroq GRU yangi rahbarining nomi ma'lum qilingandi.
Mavzuga oid
12:40 / 07.09.2024
AQShda olti rossiyalik Ukraina davlat saytlariga hujumda ayblandi
14:52 / 30.05.2024
Polshada "GRU"ga ishlaganlikda gumon qilingan uch kishi qo‘lga olindi
10:26 / 01.04.2024
Jurnalistlar «GRU» va «Havana sindromi» holatlari o‘rtasidagi bog‘liqlikni aniqladi
11:05 / 10.11.2023