AQShning eng badavlat mashhur kishilari reytingi e'lon qilindi

Forbes nashri AQShning eng badavlat mashhur kishilari reytingini tuzdi. 2017 yildagi kabi joriy yil uchun reytingda eng yuqori o‘rinni 5,4 mlrd dollarlik boylik bilan rejissyor Jorj Lukas egalladi.

Reytingning 2- va 3-o‘rinlarini rejissyor Stiven Spilberg (3,7 mlrd dollar) va teleboshlovchi Opra Uinfri (2,8 mlrd dollar) o‘zlarida saqlab qolishgan.  

4-o‘rinni sobiq basketbolchi va aktyor Maykl Jordan egallagan. Uning boyligi o‘tgan yilga nisbatan 300 mln dollarga ko‘payib, 1,7 mlrd dollarga yetgan. Eng badavlat mashhur kishilar beshtaligini “Kardashyan oilasi” teleshousi ishtirokchisi Kayli Jyenner yakunlamoqda. Uning boyligi 900 mln dollarni tashkil qilmoqda.  

Shuningdek, yetakchi o‘ntalikdan rep ijrochilar Diddi va Jyey-Zi, ko‘zboylovchi Devid Kopperfild, golfchi Tayger Vuds va yozuvchi Jyeyms Patterson joy olgan.

Reytingning barcha ishtirokchilarining umumiy boyligi 18,7 mlrd dollarga baholangan.