Suriyalik kurdlar Turkiyadan himoya qilishni so‘rab Damashqqa murojaat bilan chiqishdi

Foto: AP Photo/Hussein Malla

"Xalq mudofaasi kuchlari" otryadi (XMK) Damashqqa XMK egallab turgan hududlar ustidan nazorat o‘rnatishni taklif qildi.

"Biz hukumat qo‘shinlariga bizning kuchlarimiz tark etayotgan hududlar, jumladan Manbij ustidan nazorat o‘rnatishni va bu hududlarni Turkiya bosqinidan himoya qilishni taklif qilamiz", deyiladi kurdlar bayonotida.

Shuningdek, bayonotda aytilishicha, XMK bor kuchini Frot shimolidagi IShID terrorchi guruhiga qarshi kurashga safarbar qilishni rejalashtirmoqda.

Avvalroq AQSh prezidenti Donald Tramp Suriyadan Amerika qo‘shinlari olib chiqib ketilishini ma'lum qilgandi. Shundan so‘ng Turkiya Suriya shimolida XMKga qarshi yangi harbiy operatsiya o‘tkazish bo‘yicha tayyorgarlik ishlarini faollashtirdi.

Tayyorlagan Дилшод Аскаров

#Turkiya #kurdlar #Suriya

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.