AQShda dunyodagi eng katta baliq videoga olindi

AQShning Florida shtati Fort-Pirs hududida baliq ovlash qayig‘i yonida uzunligi taxminan olti metr bo‘lgan kit akulasi bir muddat davomida suzib yurdi, ekipaj esa dengiz jonivorini uyali telefonlarga tasvirga tushirdi. Bu haqda Fox4now xabar bermoqda.

Kit akulasi (Rhíncodon týpus) dunyodagi eng katta baliq hisoblanadi. U ancha xavfsiz bo‘lib, planktonlar bilan oziqlanadi.

«Men kit akulasi haqida eshitdim, ammo buni hazil sifatida qabul qildim, - deydi mahalliy kapitan Alek Ludakis. - 31 yil davomida men ularni uch marta sohilimiz yaqinida ko‘rganman, bu juda kam uchraydigan hodisa».