Xitoy 2019 yildagi birinchi sun'iy yo‘ldoshni orbitaga chiqardi

Xitoyning Zhongxin 2D telekommunikatsion sun'iy yo‘ldoshi orbitaga muvaffaqiyatli tarzda chiqarildi. Bu haqda «Sinxua» agentligi xabar bermoqda.

Ta'kidlanishicha, sun'iy yo‘ldosh mahalliy vaqt bilan soat 01.11da Sichan kosmodromidan «Chanchjen-3V» raketa-tashuvchisi yordamida uchirildi.

Ushbu parvoz «Chanchjen» seriyasidagi raketa-tashuvchilar uchun 298-bo‘ldi.

Eslatib o‘tamiz, avvalroq Xitoy kosmik apparati Oyning teskari tomoniga qo‘ngani xabar berilgandi.