Twitter va Facebook Eron va Rossiya bilan bog‘liq sahifalarni o‘chirib tashladi

Facebook Eron bilan bog‘liq 262 sahifa, 356 akkaunt va uchta guruhni o‘chirib tashladi. Instagram’dan esa bu davlat bilan aloqador 162 soxta akkaunt o‘chirildi. Bu ijtimoiy tarmoqlardagi o‘chirilgan sahifa va guruhlarning 2 mlndan ortiq obunachisi bo‘lgan.

«Ayrim hollarda ularda Eron davlat ommaviy axborot vositalarining axborotlari aks etgan», — deyiladi ijtimoiy tarmoq xabarida.

Bu axborotlarning aksariyati Janubiy Osiyo va Yaqin Sharq aholisiga mo‘ljallanganligi aytilmoqda.

Yanvar oxirida Twitter Eronda 284 akkauntni bloklagan, Venesuelada esa qariyb 2 mingta akkauntni o‘chirgan. Qayd etilishicha, mingdan ortiq akkauntlar Venesuela prezidenti manfaatlarini qo‘llab-quvvatlashda ishtirok etgan.

Rossiyada esa Twitter 416 akkauntni o‘chirgan (avvalroq Rossiya bilan bog‘liq 3,8 ming akkaunt bloklangandi).