Maduro AQShning Venesuelaga harbiy intervensiyasiga qarshi imzolar to‘planishini e'lon qildi  

Venesuela prezidenti Nikolas Maduro 6 fevraldan AQShning Venesuelaga harbiy intervensiyasiga qarshi imzolar to‘planishi boshlanishini e'lon qildi. Maduro bu haqda 4 fevralda Aragua shtatidagi harbiy paradda aytib o‘tgan. 

“Men Venesuela xalqini AQSh hukumati tomonidan harbiy kuch qo‘llanishi tahdidiga birgalikda qarshi chiqishga chaqiraman. Kelayotgan chorshanbadan mamlakat bo‘ylab bu tahdidlarga qarshi Oq uyga topshiriladigan imzolar to‘planishi boshlanadi. Men Venesuela xalqini bu hujjatni imzolashga chaqiraman”, deb aytgan Maduro.

Venesuela prezidentining aytishicha, imzolar to‘planishi “har bir maydonda, kazarmada, maktabda, fabrikada” o‘tishi kerak. “Biz Amerika intervensiyasini istamaymiz, biz tinchlik, tinchlik va mustaqillik, tinchlik va qadr-qimmat, tinchlik va milliy suverenitet, tinchlik va ozodlikka asoslangan demokratiyani istaymiz”, deb qo‘shimcha qilgan Maduro.

3 fevralda AQSh prezidenti Donald Tramp hozirda siyosiy inqiroz davom etayotgan Venesuelada AQSh kuchlari qo‘llanishi mumkinligini istisno qilmasligini aytgan.