BMT AQSh va Xitoy o‘rtasidagi savdo urushining jahon iqtisodiyoti uchun xavfini baholadi

BMTning Savdo va taraqqiyot bo‘yicha konferensiyasi (YuNKTAD) mutaxassislari AQSh va Xitoy o‘rtasidagi savdo urushining ushbu ikki davlat va jahon iqtisodiyoti uchun oqibatlari qanday bo‘lishini baholashdi. 

Reuters axborot agentligining ma'lum qilishicha, YuNKTAD vakili Pamela Kok-Gamiltonning fikricha, xalqaro savdo tizimi uchun oqibatlar o‘ta salbiy bo‘ladi. Uning aytishicha, AQSh 1 martdan Xitoy mahsulotlariga bojlarni tiklasa, dunyoni “valuta urushlari va ishchi o‘rinlari yo‘qotilishiga olib keluvchi devalvatsiya”, “savdoni deformatsiyalovchi bir qator oqibatlarga olib keluvchi keskin effekt” kutmoqda.

YuNKTAD mutaxassislarining fikricha, yuz beradigan dastlabki oqibatlardan biri avval AQSh va Xitoy o‘rtasida mavjud bo‘lgan savdo oqimlarining qayta taqsimlanishi  bo‘ladi.

“Yevropa Ittifoqiga AQSh va Xitoy o‘rtasidagi savdoning 70 mlrd dollari o‘tadi. Yaponiya, Meksika va Kanada esa 20 mlrd dollardan oladi”, deb aytgan Kok-Gamilton.