Estoniyada mashqlar boshlanmoqda. Unda NATO davlatlaridan harbiylar qatnashadi

Estoniya mudofaa kuchlari matbuot xizmatidan xabar berishlaricha, mamlakat hududida NATO bo‘yicha ittifoqchilar ishtirokida mashqlar boshlanmoqda. Bu haqda RIA «Novosti» ma'lum qildi.

Mavjud ma'lumotlarga ko‘ra, harbiy mashqlar mamlakat mudofaa kuchlarining Markaziy poligonida, shuningdek, Birinchi piyoda askarlari brigadasi poligonida o‘tkaziladi. Ularda Qo‘shma Shtatlar, Buyuk Britaniya va Belgiyadan kelgan harbiy xizmatchilar ishtirok etadi. Gap taxminan 1 ming harbiy haqida ketmoqda.

Eslatib o‘tamiz, avvalroq Putin Rossiya raketalar bo‘yicha bitimdagi ishtirokini to‘xtatishi haqida ma'lum qilgandi.