O‘zbekistonning yana bir milliy sport turi Osiyo o‘yinlari dasturiga kiritilishi mumkin

O‘zbek milliy sport turi sanalgan belbog‘li kurash sport turi Osiyo o‘yinlari dasturiga kiritilishi mumkin. Bu haqda Gosport xabar bermoqda.

Ma'lumotlarga ko‘ra, O‘zbekiston 2030 yilgi Osiyo o‘yinlari mezbonligi uchun ariza topshiradi. Aynan o‘sha musobaqada O‘zbekiston musobaqa uchun bir necha yangi sport turlarini taklif sifatida kiritishi mumkin.

Shunda, Belbog‘li kurash 2030 yilgi Osiyo o‘yinlarida rasmiy sport turi sifatida qayd qilinishi mumkin.

Eslatib o‘tamiz, 2018 yilgi Osiyo o‘yinlarida o‘zbek kurashi ilk marta rasmiy sport turi sifatida qayd qilindi. Unda O‘zbekiston terma jamoasi 5ta oltin medalga ega chiqqandi.