Rustam Ashurmatov Janubiy Koreya klubiga o‘tdi

«Bunyodkor» himoyachisi Rustam Ashurmatov Janubiy Koreyaning «Gvangju» klubiga o‘tdi. Ushbu ma'lumotni bugun har ikki klub rasman tasdiqladi.

22 yoshli futbolchi gvangjuliklar klubi bilan 2 yillik shartnomaga imzo chekkan.

«Gvangju»ning uslubi menga yoqdi. Jamoamga moslashib, yaxshi o‘yin ko‘rsatish istagidaman», – degan Ashurmatovning so‘zlarini keltirmoqda koreys klubi rasmiy sayti.

│광주FC, 우즈벡 국가대표 DF 아슐마토프 영입│

2019시즌 승격을 향해 가는 광주FC!
우즈벡 국가대표 센터백 아슐마토프를 영입합니다!

★기사보기 -> https://t.co/ws45Mj0mul#WELCOME#Rustam_ASHURMATOV

아슐마토프 선수를 진심으로 환영합니다 :)#광주 #광주FC #빛길만걷자 #OurPride pic.twitter.com/Z0yeierOfS

— 광주시민프로축구단 (@GWANGJU_FC) 7 fevralya 2019 g.

Ashurmatov «Bunyodkor» asosiy tarkibida 2015 yili debyut o‘yinini o‘tkazgan. U o‘tgan to‘rt mavsumda chempionatda 91 o‘yin, O‘zbekiston kubogida 19 o‘yin va Osiyo Chempionlar ligasida 13 o‘yinda «qaldirg‘ochlar» sharafini himoya qildi. Bu bahslarda u besh marta raqiblar darvozasini ishg‘ol qilgan.

Rustam o‘smirlar o‘rtasidagi Osiyo va Jahon chempionatlarida O‘zbekiston sharafini himoya qilgan. 2018 yil yanvarida Xitoyda o‘tkazilgan yoshlar o‘rtasida (U-23) Osiyo chempionatida chempionlikni qo‘lga kiritgan.

Shuningdek, Rustam Ashurmatov O‘zbekiston milliy terma jamoasi safida ham 5ta o‘rtoqlik o‘yinida qatnashgan. 

Ma'lumot uchun, «Gvangju» klubi 2010 yilda tashkil topgan va nufuzi jihatdan Janubiy Koreyada ikkinchi hisoblanmish Key-Liga 2 musobaqasida ishtirok etadi.