Saudiya Arabistoni tashqi ishlar vaziri AQShning ehtimoliy sanksiyalarini "g‘alati" deb hisoblaydi

Saudiya Arabistoni tashqi ishlar vaziri Odil al Jubayr AQShning qirollikka qarshi ehtimoliy sanksiyalarini "g‘alati" deb hisoblashini bildirdi.

"Kongress a'zolari Eron va "Hizbulloh" qo‘llab-quvvatlayotgan terrorchi tashkilotlarga qarshi kurashayotgan Saudiya Arabistoni va BAA kabi ittifoqchilarini to‘xtatishga urinishlarini judayam g‘alati deb hisoblayman", - dedi u CBS kanaliga bergan intervyusida.

O‘tayotgan haftada jurnalist Jamol Qoshiqchining o‘limiga aloqador bo‘lganlarga qarshi sanksiyalar kiritish to‘g‘risidagi qonun kongressga yana taqdim etildi. Bundan tashqari, Yamandagi fuqarolar urushida ommaviy qurbonlar bo‘layotgani haqidagi xabarlar ortidan qirollikka qurol yetkazib berishni qisqartirish borasida tashabbuslar ilgari surilmoqda.