Tokio olimpiadasidagi medallar eski gadjetlardan tayyorlanadi

Tokioda 2020 yil bo‘lib o‘tadigan Olimpiya va Paralimpiya o‘yinlarining tashkiliy qo‘mitasi medallarni tayyorlash uchun elektron chiqindilar qo‘llanilishi haqidagi ma'lumotni tasdiqladi. Bu haqda TASS xabar bermoqda.

Tonnalab bronza, kumush va oltinni tashlab yuborilgan hamda utilizatsiyaga topshirilgan gadjetlardan olishadi.

Qo‘mita vakillarining ta'kidlashicha, barcha, shu jumladan, sportchilar ushbu g‘oyani qo‘llab-quvvatlashgan.

Rasmiylar 50 tonnadan ziyod elektron chiqindini yig‘ishdi, ularning taxminan besh millioni - eski telefonlar. Pochta bo‘linmalari va boshqa jamoat joylarida eski texnikani qabul qilish punktlari tashkil etildi.