Pokiston Hindistonning ikkita harbiy samolyotini urib tushirdi

Foto: REUTERS

Pokistondan xabar berishlaricha, Hindistonga tegishli ikkita harbiy samolyot Pokiston havo hududida urib tushirilgan.

TASS’ning Pokiston qurolli kuchlari matbuot kotibi general-mayor Asif G‘ofurga asosan xabar qilishicha, «Hindiston harbiy-havo kuchlarining qiruvchi samolyotlari mamlakat havo hududini buzib kirgan».

Aniqlik kiritilishicha, samolyot uchuvchilaridan biri asirga ham olingan.

Ushbu holat bo‘yicha batafsil tafsilotlar hozircha yo‘q.

Eslatib o‘tamiz, avvalroq Hindiston va Pokiston o‘rtasidagi munosabatlar keskinlashayotgani xabar qilingandi.

26 fevral ertalab Hindiston harbiy-havo kuchlari Kashmirning Pokiston qismidagi “Jayishi Muhammad” guruhining yirik mashg‘ulot lageriga zarbalar berdi. Havo hujumi oqibatida ko‘plab jangarilar, ularga tegishli transport, qurol va o‘q-dori yo‘q qilingan. Hindiston tashqi ishlar vaziri birinchi o‘rinbosari Vijay Gokxale bu zarba zarur bo‘lgani, chunki guruh Hindistonning turli hududlariga xudkushlar ishtirokida hujumlar tayyorlayotganini aytgan.

#Hindiston #Pokiston

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.