Lyuksemburg tashqi ishlar vaziri O‘zbekistonga keladi

2019 yilning 6 mart kuni Lyuksemburg Buyuk Gersogligining tashqi va Yevropa ishlari vaziri Jan Asselborn boshchiligidagi delegatsiya O‘zbekistonga tashrif buyuradi.

TIV xabariga ko‘ra, tashrif dasturidan O‘zbekiston Respublikasi Tashqi ishlar vazirligida muzokaralar o‘tkaziladi va tomonlarni qiziqtirgan barcha masalalar bo‘yicha o‘zaro munosabatlarni kengaytirish istiqbollari muhokama qilinadi.

Tashrif doirasida Havo qatnovi bo‘yicha o‘zaro anglashuv memorandumi imzolanishi rejalashtirilgan bo‘lib, bu xususan Lyuksemburgning «Cargolux» aviakompaniyasi tomonidan 2020 yildan e'tiboran Osiyo mamlakatlariga tranzit orqali tashish uchun «Navoiy» transport markazidan foydalanish rejalari bilan bog‘liqdir.

Eslatib o‘tamiz, avvalroq O‘zbekiston elchisi Lyuksemburg Buyuk gersogiga ishonch yorliqlarini topshirgandi.