Dzyudochilarimiz Marokash Gran-prisining dastlabki kunida ikkita oltin medalni qo‘lga kiritishdi
Dzyudo bo‘yicha Marokash Gran-pri turnirida o‘zbekistonlik dzyudochilar musobaqaning birinchi kunida ikkita oltin medalni qo‘lga kiritishdi.
-60 va -66 kggacha vaznda qatnashgan dzyudochilarimizdan Sharafuddin Lutfillayev va Sardor Nurillayevlar barcha raqiblarini yengib oltin medalga ega chiqishdi.
-60 kggacha vaznda tatamiga chiqqan Sharafuddin Lutfillayev finalgacha ikki marokashlik, fransiyalik, tunislik, britaniyalik dzyudochilarni yengib, bosh sovringa ega chiqdi. Lutfillayev finalda ukrainalik A.Lesiukni vazari bahosi bilan yengdi.
-66 kggacha vaznda yurtimiz sharafini himoya qilgan ikki sportchimiz Shahram Ahadov va Sardor Nurillayevlar o‘z guruhlarida g‘oliblikni qo‘lga kiritib, chorakfinalda o‘zaro bellashishdi. Bu bahsda Sardor Nurillayevning qo‘li baland keldi va u yarimfinalga chiqdi. Shahram Ahadov bronza medali uchun o‘tish bosqichidan o‘tib bronza uchun bahsda Serikxanov Yerlanga yutqazdi.
Nurillayev yarimfinalda Beslan Mudranovni, finalda esa misrlik A.Muhammadni ippon bilan yengib gran-prining oltin medalini qo‘lga kiritdi.
Mavzuga oid
15:52 / 09.09.2024
Marokashdagi zilzilaga bir yil to‘ldi. Aholi hanuz chodirlarda yashab, hukumat va’da qilgan yordamni kutmoqda
19:12 / 24.08.2024
Marokashdagi Royal Mansour mehmonxonasi «Mehmondo‘stlik san’ati» mukofotiga loyiq ko‘rildi
17:16 / 03.08.2024
Parij-2024, dzyudo. O‘zbekiston aralash jamoaviy dasturni medalsiz yakunladi
20:52 / 02.08.2024