Uber taksi to‘g‘risidagi qonunni buzgani uchun Niderlandiyaga 2,3 mln yevro jarima to‘laydi
Uber taksi servisi Niderlandiya hududida 2014-2015 yillarda UberPop opsiyasidan foydalangani uchun 2,3 mln yevro jarima to‘laydi. Bu haqda Niderlandiya prokuraturasi ma'lum qildi.
Bundan tashqari, 309 ming yevro miqdoridagi noqonuniy daromad musodara qilinadi, servis ilovasiga UberPop opsiyasini joylagan shaxs esa 90 soatlik jamoatchilik ishlariga jalb qilindi.
Prokuratura kompaniyani taksi to‘g‘risidagi qonunni buzishda aybladi. Chunki haydovchilar UberPop opsiyasi orqali servis ilovasidan litsenziyasiz transport xizmat ko‘rsatish uchun foydalanishlari mumkin bo‘lgan.
«Taksi xizmati ko‘rsatish uchun litsenziya mijoz xavfsizligini ta'minlash uchun mo‘ljallangan. Lisenziyasiz taksi xizmati ko‘rsatish shuningdek, nosog‘lom raqobatni keltirib chiqaradi», — deyiladi prokuratura xabarida.
Kompaniya 2015 yil noyabrida o‘z ilovasidan UberPop opsiyasini olib tashlagan.
Mavzuga oid
22:02 / 21.11.2024
O‘zbekistonning Belgiyadagi elchisi G‘ayrat Fozilov Niderlandiyada ham elchi etib tayinlandi
13:55 / 18.11.2024
Niderlandiyada o‘zbekistonlik mutaxassislar uchun malaka oshirish kurslari tashkil etiladi
20:43 / 14.11.2024
Yevrokomissiya Meta’ni qariyb 800 mln yevro jarimaga tortdi
16:38 / 12.11.2024