Yevroparlament Brexit kechiktirilishi mumkinligini istisno etmadi

Yevroparlament raisi Antonio Tayani ma'lum qilishicha, Buyuk Britaniyaning Yevropa ittifoqidan chiqib ketish muddati boshqa vaqtga kechiktirilishi mumkin. Bu haqda Deutsche Welle yozmoqda.

Raisning so‘zlariga ko‘ra, Brexit «bir necha haftadan ortiq muddatga», ya'ni, iyul oyi boshlariga ko‘chirilishi mumkin. Shu bilan birga, mamlakat hukumati «bu holatga nima sabab bo‘lganini baribir aytishi lozim».

Tayanining fikricha, Buyuk Britaniya chiqib ketishidan oldin «katta xatodan» qochishi va Bryussel bilan kelishuvga erishishi kerak.

Eslatib o‘tamiz, avvalroq Britaniya Brexit bo‘yicha YeI bilan muzokaralarda o‘zgarishlar borligini ma'lum qilgandi.