Qashqadaryoda «Neksiya»ning 100 litr sig‘imli gaz balloni portladi, bir kishi halok bo‘ldi

2019 yil 18 mart kuni Qashqadaryo viloyatining Chiroqchi tumanida yashovchi T.D. o‘zining “Neksiya” rusumli avtomashinasini Beglamishsoy qishlog‘i hududida haydab ketayotgan vaqtida avtomashina yukxonasiga o‘rnatilgan 100 litr sig‘imli gaz balloni portlab ketgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, natijada avtomashina haydovchisi va uning yo‘lovchisi 37 yoshli G‘.B. jarohat olib, kasalxonaga keltirilganida yo‘lovchi vafot etgan. Holat yuzasidan surishtiruv ishlari olib borilmoqda.  

“Hurmatli haydovchilar, agar boshqaruvingizdagi avtomashinaga gaz balonlari o‘rnatilgan bo‘lsa, ularning texnik soz holda ekanligiga muntazam e'tibor qarating. Chunki, bu siz va yaqinlaringiz bilan yuz berishi mumkin bo‘lgan baxsiz hodisalar oldi olinishining kafolatidir”, - deyiladi IIV xabarda.