Xiaomi smartfonni 17 daqiqa ichida quvvatlantiradigan qurilmani namoyish etdi

Xitoyning Xiaomi kompaniyasi smartfonni 17 daqiqa ichida quvvatlantiradigan qurilmani namoyish etdi. Qurilma qanday ishlashi aks etgan videoni Xiaomi vitse-prezidenti Lu Veybing Weibo ijtimoiy tarmog‘ida joylashtirdi. 

Videoda ikkita mobil qurilma hamda qancha vaqt o‘tganini ko‘rsatuvchi taymer aks etgan. Ulardan biri sig‘imi 4000 mA·s bo‘lgan akkumulyatorga ega smartfon bo‘lsa , ikkinchisi Super VOOC texnologiyali quvvatlagichga ulangan akkumulyatori 3700 mA·s bo‘lgan Oppo smartfonidir.

Lavhada ko‘rsatilishicha, sig‘imi 4000 mA·s bo‘lgan, Xiaomi quvvatlagichiga ulangan smartfon quvvati 17 daqiqa ichida 0dan 100%ga yetadi. O‘sha vaqt ichida Oppo smartfoni 65% quvvat oladi. 

Kompaniya lavhada boshqa qo‘shimcha tafsilotlarni va yangi texnologiya qachondan chiqarilishini ma'lum qilmagan.