Portugaliyada sportchi ayol vafot etganidan ikki oy o‘tib farzandli bo‘ldi

Portugaliyalik kanoechi Katarina Sekeyra miyasi o‘lgan deb e'lon qilinganidan ikki oy o‘tib ko‘zi yoridi. Bu haqda The Sun xabar berdi.

Nashrning yozishicha, 26 yoshli sportchi homiladorligining 19-haftasida o‘tkir astma xuruji tufayli kasalxonaga yotqizilgan. Ayol sun'iy koma holatiga tushirib qo‘yilgan, ammo bir necha kundan so‘ng shifokorlar miyaning o‘lganligini qayd etishgan.

Qolgan kunlar davomida shifokorlar Sekeyraning tanasi yashashini tutib turishgan. Homiladorlikning 32-haftasida ular kesarcha kesishni amalga oshirishdi. Bola tug‘ilganidan so‘ng shifokorlar Sekeyraning tanasini yashashni ta'minlash tizimidan uzib qo‘yishdi.

Qayd etilishicha, bola o‘g‘il bo‘lib, 1,7 kilo tug‘ilgan va sog‘lom. Uni Sekeyraning turmush o‘rtog‘i tarbiyalaydigan bo‘ldi.