«Paxtakor» foydasiga penalti belgilangan vaziyatda to‘p qo‘lga tekkanmi? (foto+video)
5 aprel kuni Superliganing 3-turi doirasidagi «Paxtakor»-«Nasaf» (2:1) o‘yinini boshqargan Aziz Asimovning qarorlari qator e'tirozlarni keltirib chiqardi. Bugun «Championat.asia» nashri e'lon qilgan video esa e'tirozlar asossiz bo‘lmaganini tasdiqlaydi.
Darvoza ortidan turib tasvirga olingan kadrda ko‘rish mumkinki, 11-daqiqada «Nasaf» jarima maydoni ichida Jaloliddin Masharipov tomonidan uzatilgan to‘p mehmonlar himoyachisi G‘olib G‘aybullayevning qo‘liga emas, balki qorniga tekkan.
Eslatib o‘tamiz, uchrashuvdan keyin O‘FA Hakamlar va nazoratchilar departamenti direktori Ma'mur Saidqosimov o‘yindagi bahsli vaziyatlarga izoh berib, departamentning tahliliy guruhi «Paxtakor»ning ikkala goli ham qoidalarga mos ravishda urilgan, degan dastlabki xulosaga kelganini ta'kidlagan edi.
O‘FA mutasaddilari tomonidan «Sport» telekanali tasvirlariga asosan chiqarilgan dastlabki xulosada, shuningdek, Azimov o‘yinda faqat bitta vaziyatda – 7-daqiqada «Nasaf» darvozasiga penalti belgilamaslik qarorida adashgani aytiladi.
Mavzuga oid
22:55 / 11.08.2024
«Paxtakor»ning marhum futbolchilari xotirasiga 45 yil oldingi «O‘ynalmagan match» o‘tkazildi
19:04 / 01.08.2024
«Paxtakor»ning marhum futbolchilari xotirasiga 45 yil oldingi «O‘ynalmagan match» o‘tkaziladi
12:13 / 17.06.2024
Superliga. Alijonov qaytgan markaziy o‘yinda kuchlar teng keldi - fotojamlanma
13:39 / 30.05.2024