Chikagodagi otishmada kamida olti kishi yaralandi

Chikagoda sodir etilgan otishmada kamida olti kishi jarohatlandi, deb xabar berdi Chicago Tribune.

Xabarda aytilishicha, otishma Vest Inglvud tumanida oilaviy bayram chog‘ida yuz bergan. Natijada olti kishi, jumladan ikki nafar bola jarohatlangan.

Jarohatlanganlarning barchasi kasalxonaga yotqizilgan. Otishmada yaralangan bir qizning ahvoli og‘ir ekanligi aytilmoqda.

Politsiyada hozircha gumonlanuvchilar haqida ma'lumot yo‘q.

O‘tgan yil noyabrida Kaliforniya shtatidagi Tauzand-Ouks shahrida joylashgan barlardan birida otishma uyushtirilgan, oqibatda o‘nlab kishilar jarohat olgandi.