Toqayev bosh shtabga Qozog‘istonga xavf solishi mumkin bo‘lgan tahdidlarni aniqlashni buyurdi

Foto: mod.gov.kz

Qozog‘iston prezidenti Qosim-Jomart Toqayev bosh shtabga mamlakatga xavf solishi mumkin bo‘lgan tahdidlarni aniqlashni buyurdi. Shuningdek, Toqayev bosh shtab boshlig‘i Murat Bektanov bilan uchrashuvda mamlakatning mudofaa qobiliyatini mustahkamlash bo‘yicha konseptual yondashuvlarni ishlab chiqishni buyurgan.

O‘z navbatida bosh shtab boshlig‘i Toqayevga shu kunlarda mamlakatda o‘tayotgan “Oybolta-2019” qo‘mondonlik-shtab strategik mashg‘ulotlari haqida so‘zlab bergan.

Mashg‘ulotlar 17 aprelda boshlangan va 2 haftadan ko‘proq davom etadi. Unda 8 mingga yaqin harbiy, 2 mingta harbiy texnika jalb qilingan.