Shimoliy Koreya Pompeoni yadroviysizlash bo‘yicha muzokaralardan chetlatishni so‘radi 

Shimoliy Koreya AQSh davlat kotibi Mayk Pompeoni yadroviysizlash bo‘yicha muzokaralardan chetlatishga chaqirdi. Bu haqda Reuters axborot agentligi xabar berdi. 

Shimoliy Koreya tashqi ishlar vazirligi Pompeoni muzokaralar rivojiga to‘sqinlik qilayotganlikda aybladi.  

Vazirlikning AQSh bo‘yicha vakili Kvon Yen Gun Pompeoni “aljirayotganlikda” va Shimoliy Koreya yetakchisi Kim Chen Inning so‘zlarini noto‘g‘ri yetkazayotganlikda aybladi.  

“Men Pompeo muzokaralarda ishtirok etishda davom etsa, ular boshi berk ko‘chaga kirib qolishidan xavotirlanmoqdaman”, deb aytgan Kvon Yen Gun.

Uning ta'kidlashicha, Pxenyan “ehtiyotkorroq va yetukroq” muzokarachi bilan suhbat olib borishni ma'qul hisoblaydi.