Shri-Lankada yangi portlashlar sodir bo‘ldi

26 aprelda Shri-Lankada uchta portlash yuz berdi. Portlashlar mamlakat sharqidagi Kalmunay shahrida aksilterrorchilik operatsiyasi vaqtida sodir bo‘lgan. Halok bo‘lganlar va jabrlanganlar haqida ma'lumot berilmagan. Hududda tintuvlar davom etmoqda.

Avvalroq shu shaharda politsiya xodimlari va harbiylar reydlar vaqtida xudkushlar kamarlari tayyorlanuvchi yashirin ustaxonalar aniqlanganda o‘qqa tutilgandi.  

Shri-Lankada 21 aprelda bir qator portlashlar sodir etilgandi. Cherkovlar va mehmonxonalarda sodir etilgan teraktlar oqibatida 250 ga yaqin odam halok bo‘lgan.