Angliyada mavsumning eng yaxshi futbolchisi va eng yaxshi yosh o‘yinchisi sovrinlari egalariga topshirildi

Angliya professional futbolchilar assotsiatsiyasi (PFA) «Manchester Siti» hujumchisi Rahim Sterlingni Angliyada mavsumning eng yaxshi yosh futbolchisi deb e'lon qildi.

Sterling ushbu e'tirof uchun nomzodi qo‘yilgan «Liverpul» himoyachisi Trent-Aleksander Arnold, «Bornmut» yarimhimoyachisi Devid Bruks, «Manchester Yunayted» hujumchisi Markus Reshford, «Vest Hem» xavbeki Deklan Rays va uning jamoadoshi Bernardu Silvadan ustun kelgan.

Ma'lumot uchun, 24 yoshli Rahim bu mavsum APLning 32ta o‘yinida maydonga tushdi va 17ta gol urib, 10ta golga hammualiflik qildi. Uning klub bilan shartnomasi 2023 yil yozigacha mo‘ljallangan.

Eslatib o‘tamiz, PFA «Liverpul» himoyachisi Virgil van Deykni Angliyada yil o‘yinchisi deb topgandi. Shuningdek, kasaba uyushmasi avvalroq APLda mavsumning ramziy jamoasini e'lon qilgandi.